धनगढी उपमहानगरपालिकाको मतगणना आज ११ बजेदेखि सुरु हुने भएको छ।
बिहान साढे ७ बजे सर्वदलीय बैठक बसेर ११ बजेदेखि मतगणना गरिने कैलालीका मुख्य निर्वाचन अधिकृत जयानन्द पनेरूले बताए।
धनगढीको मेयर, उपमेयरसहित ९७ जना जनप्रतिनिधि चुन्नका लागि शुक्रबार मतदान सम्पन्न भएको छ।
मतगणनाको मागसहित गएराती नाराबाजी भएपछि झडपसमेत भएको थियो।
मतगणना सुरू गर्नुपर्ने भन्दै नाराबाजी गरिरहेका युवाहरूमाथि प्रहरीले लाठी चार्ज गरेको हो। युवाहरूको समूहले मतगणना गर्न यथाशीघ्र थालनी गर्न माग गर्दै १२ बजे रातीदेखि नै नाराबाजी गरेका थिए।
