भक्तपुरको मध्यपुर थिमि नगरपालिकामा शुक्रबार राति सवा १ बजेबाट मतगणना सुरू भएको छ।
सर्वदलीय बैठकको निर्णयअनुसार वडा नम्बर १ बाट थालनी गर्दै मतगणना सुरू गरिएको मध्यपुर थिमिका निर्वाचन अधिकृत मैयाँ कँडेलले सेतोपाटीलाई जानकारी दिइन्।
उनका अनुसार ३०० मतगणना सकिएपछि पहिलो चरणको नतिजा सार्वजनिक गरिनेछ। यहाँ ४१ हजार ८ सय ४२ मतदाता छन्।
मध्यपुर थिमिमा एमालेबाट मदनसुन्दर श्रेष्ठ मेयर उठेका छन्। उनी यसअघि पनि यहाँका मेयर थिए।
त्यस्तै नेपाली कांग्रेसबाट सुरेन्द्र श्रेष्ठ, राष्ट्रिय प्रजातन्त्र पार्टीबाट भुवनबाग श्रेष्ठ र लोकतान्त्रिक समाजवादी पार्टीबाट देवीमाया खाती उठेका छन्।
