मनाङको मनाङ डिस्याङ गाउँपालिकामा मतगणना सुरू भएको छ।
मतगणना सुरू भए पनि प्रारम्भिक मतगणना आइसकेको छैन। निर्वाचन अधिकृत केदारनाथ उपाध्यायले मतगणना साँझ साढे ८ बजेबाट सुरू भएको जानकारी दिए।
प्रत्येक वडाको गणना सकिएपछि सूचना दिने उनले बताए। मनाङ डिस्याङमा नेकपा एमालेका कान्छा घले र नेपाली कांग्रेसका छिरिङ ओङमा गुरुङ (घले) बीच अध्यक्ष पदमा प्रतिस्पर्धा छ।
एमालेका कान्छा घले यसअघि पनि गाउँपालिकाका अध्यक्ष थिए।
त्यस्तै उपाध्यक्षमा नेपाली कांग्रेसका रिन्जेन धोर्जे गुरुङ, राप्रपाका ज्यामयाङ टासी गुरुङ र स्वतन्त्र छिरिङ गुरुङबीच प्रतिस्पर्धा छ।
