नेपाली कांग्रेसका कार्यकर्ताको कुटपिटबाट गोरखाको आरूघाट गाउँपालिकास्थित मान्वु गाउँमा दुई जना नेकपा एमालेका कार्यकर्ता घाइते भएका छन्।
गए राति कांग्रेस कार्यकर्ता र एमाले कार्यकर्ताबीच विवाद हुँदा कुटपिट भएको थियो।
कांग्रेस कार्यकर्ताको कुटपिटबाट एमाले कार्यकर्ता विक्रम लामा र फूलबहादुर लामा घाइते भएको र उनीहरूको आरूघाटस्थित स्वास्थ्य संस्थामा उपचार गरिएको छ।
उनीहरूको टाउकोमा चोट लागेको छ।
दुबै पक्षका कार्यकर्ताले मदिरा सेवन गरी झगडा गरेको खुलेको छ। विवाद भएपछि स्थानीय कुमार लामाको टोलीले कुटपिट गरेको थियो।
घटनाबारे थप अनुसन्धान भइरहेको जिल्ला प्रहरी कार्यालय गोरखाले जनाएको छ।
