नेकपा मालेबाट तनहुँको शुक्लागण्डकी नगरपालिकामा उपमेयर पदमा उम्मेदवारी दिएका उम्मेदवार शिवप्रसाद लम्साल नेपाली कांग्रेस प्रवेश गरेका छन्।
लम्साललाई आज कांग्रेस नेता प्रदीप पौडेलले साधारण सदस्यता दिएर कांग्रेस प्रवेश गराएका हुन्। लम्सालले अब आफ्नो उम्मेदवारी कायम नरहने र गठबन्धनका उम्मेदवार कृष्णराज पण्डितलाई सहयोग गर्ने बताएका थिए।
कांग्रेस शुक्लागण्डकी वडा नम्बर ९ ले आयोजना गरेको चुनावी सभाबाट लम्साल कांग्रेसमा प्रवेश गरेका हुन्।
