स्थानीय निर्वाचन २०७९ का लागि सुर्खेतको वीरेन्द्रनगर नगरपालिकामा स्वतन्त्र उम्मेदवार बनेका मेयर–उपमेयरका उम्मेदवारले चुनाव चिह्न पाएका छन्।
वीरेन्द्रनगरमा मेयर र उपमेयरमा दुई–दुई जना स्वतन्त्र उम्मेदवार छन्।
उनीहरूमध्ये मेयरका उम्मेदवार भीमप्रसाद शर्माले 'धारा*' चुनाव चिह्न पाएका छन् भने अर्का उम्मेदवार उमानन्द पंगालीले 'मुढा' चुनाव चिह्न पाएका छन्।
यस्तै, उपमेयर पदका उम्मेदवार अनिल ढकालले पनि 'मुढा' चुनाव चिह्न लिएका छन्। उपमेयरका अर्का उम्मेदवार भोजप्रसाद चपाईले 'गुलाबको फूल' चुनाव चिन्ह पाएका हुन्।
शनिबार उनीहरूलाई चिन्ह वितरण गरिएको वीरेन्द्रनगरका सहायक निर्वाचन अधिकृत उज्ज्वल रावलले जानकारी दिए।
* यसअघि अन्यथा भएकोले सच्याइएको छ।
