नेपाली कांग्रेसका प्रवक्ता प्रकाशशरण महतले काठमाडौं महानगरपालिकाको मेयर पदमा सिर्जना सिंह उम्मेदवार बनेपछि अन्यत्रजस्तो काठमाडौंमा असन्तुष्टि नदेखिएको बताएका छन्।
‘सिर्जना सिंहलाई मेयर उम्मेदवार बनाउँदा काठमाडौं खुसी छ,’ बबरमहलमा कांग्रेस काठमाडौं महानगरले आज गरेको कार्यक्रममा महतले भने, ‘काठमाडौं महानगरमा सिंहको नेतृत्वमा जिम्मेवार टिम बन्छ।’
उनले नेकपा एमालेबाट मेयरका उम्मेदवार उठेका केशव स्थापितलाई लक्षित गर्दै राजनीति मनोरञ्जनको विषय नभएको बताए।
‘उम्मेदवारी दर्ता गरिसकेर केशव स्थापितले गेभ इज ओभर भन्नुभयो,’ महतले भने, ‘म त भन्छु उहाँको गेभ इज ओभर। राजनीति मनोरञ्जनको विषय होइन। काठमाडौंमा थप मनोरञ्जन आवश्यक छैन।’
