नेपाली कांग्रेसले स्थानीय चुनावका लागि घोषणा पत्र सार्वजनिक गरेको छ।
आज पार्टी केन्द्रीय कार्यालय सानेपामा आयोजित कार्यक्रममा सभापतिसमेत रहेका प्रधानमन्त्री शेरबहादुर देउवा र शीर्ष नेताहरूले घोषणा पत्र सार्वजनिक गरेका हुन्।
घोषणा पत्र सार्वजनिक कार्यक्रममा उपसभापतिद्वय पूर्णबहादुर खड्का, धनराज गुरूङ, महामन्त्रीद्वय गगन थापा र विश्वप्रकाश शर्मालगायत उपस्थित थिए।
महामन्त्री थापा नेतृत्वमा कांग्रेसले चुनावी घोषणा पत्र बनाएको हो। शिक्षा, स्वास्थ्य, रोजगारलगायत क्षेत्रलाई प्राथमिकता दिएर घोषणा पत्र बनेको कांग्रेसका नेताहरूले बताएका छन्।
घोषणा पत्र सार्वजनिक कार्यक्रममा घोषणा पत्रमा भएका विषयबारे महामन्त्री थापाले जानकारी गराएका छन्।
