वैशाख ३० गते हुने स्थानीय तह निर्वाचनमा नेकपा एमालेबाट हेटौंडाको मेयरमा उम्मेदवार बनेका अनन्तप्रसाद पौडेल यसअघि दोस्रो संविधानसभा सदस्य थिए।
उनी मकवानपुर क्षेत्र नम्बर ३ बाट २०७० को निर्वाचनमा निर्वाचित भएका हुन्। पौडेल अहिले एमालेको बागमती प्रदेश कमिटी सदस्य छन्।
उपमेयरको उम्मेदवार बन्न लागेकी सुमित्रा काफ्ले अखिल नेपाल महिला संघ मकवानपुरकी अध्यक्ष हुन्। उनले तत्कालीन मुख्यमन्त्री डोरमणी पौडेलको सचिवालयमा रहेर काम गरेकी थिइन्।
