धनुषा निर्वाचन क्षेत्र नम्बर ३ मा नेकपा एमालेकी उम्मेदवार जुली महतोले पाँच दलीय गठबन्धनबाट लोकतान्त्रिक समाजवादी पार्टी (लोसपा) का अनिल झासँग फराकिलो मतान्तरसहित अग्रता जारी राखेकी छन्।
झाभन्दा उनको १८१० मत बढी छ।
हालसम्मको मतगणनामा महतोले ६ हजार २४३ मत ल्याउँदा झाले ४ हजार ४३३ मत पाएका छन्।
जनमत पार्टीका शम्भुनाथ साहले १८४१ मतसहित तेस्रो स्थानमा छन्।
त्यसैगरी, धनुषा ४ मा पनि नेकपा एमालेले नै अग्रता कायम राखेको छ।
हालसम्मको गणनामा एमालेका सचिव एवं जुलीका पति समेत रहेका रघुवीर महासेठले ४७६ मत सहित अग्रता कायम राखेका छन्।
सत्ता गठबन्धनबाट कांग्रेसका सहमहामन्त्री महेन्द्र यादवले ३९४ मतसहित दोस्रो स्थानमा छन्।
