सिके राउत नेतृत्वको जनमत पार्टीले सप्तरी क्षेत्र नं २ का दुबै प्रदेश सभामा भारी मतले जितेको छ।
सप्तरी-२ को प्रदेश सभा १ मा सतिशकुमार सिंहले १६ हजार ७ सय ४३ मत ल्याएर विजय हासिल गरेका छन्। उनले आफ्ना प्रतिस्पर्धी जसपाका शैलेन्द्रप्रसाद साहको भन्दा दोब्बर मत ल्याएका छन्। साहले ८ हजार २ सय ८२ मत ल्याएका छन्। तेश्रोमा रहेका लोसपाका सरोजकुमार मण्डलले ६ हजार १ सय ३२ मत ल्याएका छन्।
त्यस्तै सप्तरी-२ को प्रदेश निर्वाचन क्षेत्र २ मा महेशप्रसाद यादव विजयी भएका छन्। उनले पनि दुबै गठबन्धनका उम्मेदवारभन्दा धेरै मत ल्याएका छन्। जनमत पार्टीका यादवले १३ हजार ३ सय २५ मत ल्याउँदा नेकपा (माओवादी केन्द्र)का उमेश यादवले ७ हजार २३ मत ल्याएका छन्। जसपाका लक्ष्मण यादवले ५ हजार ६ सय २१ मत ल्याएका छन्।
यो क्षेत्रमा प्रतिनिधि सभामा पनि सिके राउत दोब्बर मतले अघि छन्।
