लोकगायक प्रकाश दुतराजले दसैंको अवसर पारेर नयाँ गीत सार्वजनिक गरेका छन्। उनले ल्याएको 'छैन र माया' बोलको गीतमा प्रकाश र मेलिना राईको युगल स्वर छ। प्रकाशले पछिल्लो पटक आफ्ना गीतमा लगातार मेलिनासँग सहकार्य गरिरहेका छन्। उनीहरूको यसअघिको सहकार्यमा रहेका 'जुन माया', 'रिमै', 'रेशम', 'राम साइँली' गरी सबै गीत हिट छन्।
‘छैन र माया’ गीतको शब्द तथा संगीत प्रकाशकै हो। यसमा कृष्ण केसीले संगीत संयोजन गरेका छन्। प्रेमकथा बोकेको गीतको भिडिओ मुस्ताङ जिल्लाको तेताङ गाउँमा खिचिएको हो। सुन्दर दृश्यहरूमा खिचिएको भिडिओमा प्रकाश र अञ्जली जिसीको अभिनय रहेको छ।
मुकेश नेपालीको कोरियोग्राफी, अनिल के. मानन्धरको छायांकन रहेको भिडिओ नवीन घर्ती मगरले निर्देशन तथा सम्पादन गरेका हुन्। कर्णप्रिय गीतको भिडिओ उत्तिकै आकर्षक लाग्छ। यो गीत सार्वजनिक भएसँगै श्रोता तथा दर्शकबाट राम्रो प्रतिक्रिया पाइरहेको छ। बिहीबार राति सार्वजनिक गीतले शुक्रबार दिउँसोसम्म युट्युबमा २ लाख १७ हजारभन्दा बढी भ्युज पाइसकेको छ।
-1746009348.jpg)
