चर्चित बलिउड जोडी कट्रिना कैफ र विक्की कौशल आमाबुबा बनेका छन्।
यसै वर्षको सेप्टेम्बरमा उनीहरूले आफ्नो पहिलो सन्तानको अपेक्षा गरिरहेको घोषणा गरेका थिए। शुक्रबार बिहान विक्की कौशलले सामाजिक सञ्जालमार्फत कट्रिनाले छोरालाई जन्म दिएको खबर सार्वजनिक गरे।
विक्कीले खुसी साट्दै लेखेका छन्, 'हाम्रो खुसीको उपहार आइपुगेको छ। असीम प्रेम र कृतज्ञताका साथ, हामी हाम्रो छोरालाई स्वागत गर्दछौं। ७ नोभेम्बर, २०२५ – कट्रिना र विक्की।'
प्रियंका चोपडा जोनास, परिणीति चोपडा, करीना कपूर खान, सोनम कपूर आहुजा र रकुल प्रीत सिंहलगायत अन्य धेरै कलाकारहरूले उनीहरूलाई बधाई तथा शुभकामना दिएका छन्।
कट्रिना र विक्कीले चार वर्षअघि विवाह गरेका थिए।
-1746009348.jpg)
