बलिउड अभिनेता अक्षय कुमारको फिल्म 'केसरी २' को टिजर सार्वजनिक गरिएको छ।
धर्मा प्रोडक्सन युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा पञ्जाबस्थित जलियांवाला बागमा सन् १९१९ मा १३ अप्रिल भएको हत्याकाण्ड देखाइएको छ।
फिल्ममा अक्षय कुमारले सर सि. शंकरन नायरको भूमिका निर्वाह गरेका छन्। करण सिंह त्यागी निर्देशित फिल्ममा अक्षयसँगै आर. माधवन, अनन्या पाण्डेलगायत कलाकारको अभिनय छ।
'केसरी' को सफलतापछि निर्माण टिमले यसको दोस्रो च्याप्टरको टिजर सार्वजनिक गरेका हुन्।
यो फिल्म १८ अप्रिल २०२५ देखि हलमा रिलिज हुनेछ।
-1742801159.jpg)
