बलिउड अभिनेत्री सोनाक्षी सिन्हा र अभिनेता जहीर इकबालले २३ जुनमा विवाह गरेका थिए।
सोनाक्षीको परिवार हिन्दु हुन् भने जहीरका परिवार इस्लाम हुन्। विवाहपछि आफूलाई धर्म परिवर्तनको दबाब नआएको सोनाक्षीले बताएकी छन्।
'जहीर र म वास्तवमा धर्ममा खासै ध्यान दिदैनौं। हामी एक-अर्कालाई माया गर्छौं। न जहीरले ममाथि धर्म थोपारेका छन् न मैले जहीरमाथि धर्म थोपारेको छु। हाम्रो यस विषयमा केही चर्चा नै भएको छैन,' सोनाक्षीले भारतीय सञ्चारमाध्यमसँग भनेकी छन्।
सोनाक्षीका अनुसार उनीहरू एक-अर्काको संस्कृतिलाई निकै इज्जत गर्छन्। उनीहरूले २३ जुनमा हिन्दु र मुस्लिम दुवै परम्परा अनुसार विवाह गरेका थिए।
