भारतीय टेलिशृंखला अभिनेत्री उर्फी जावेद चर्चामा आएकी छन्।
पहिरनको कारण चर्चामा आइरहने उर्फी यसपटक इन्गेजमेन्टको खबरलाई लिएर चर्चामा हुन्। सामाजिक सञ्चालमा एक तस्बिर भाइरल भइरहेको छ। जसमा एक व्यक्ति घुँडा टेकेर उर्फीलाई औंठी लगाइरहेका छन्।
उक्त तस्बिर बाहिरिएसँगै उर्फीलाई फ्यानहरू बधाई दिइरहेका छन्। तर उर्फीले यसबारेमा कुनै जानकारी दिएकी छैनन्। भारतीय सञ्चारमाध्यम दैनिक जागरणका अनुसार उक्त तस्बिर उनको नयाँ रियालिटी शो 'इन्गेज्डः रोका या धोखा?' को हो।
यो शो आजदेखि डिज्नी प्लसमा स्ट्रीम हुनेछ। शोमा १० जना सिंगल व्यक्ति एकसाथ २४० घण्टा बिताउने छन्।
सन् २०१६ मा 'बडे भैयाकी दुल्हन' बाट डेब्यु गरेकी उर्फीले 'चन्द्र नन्दनी, मेरी दुर्गा, बेपनहा, जीजी माँ, ए रिस्ता क्या कहलाता हे, कसौटी जिन्दगी' की जस्ता टेलिशृंखलामा काम गरेकी छन्।
