भारतीय स्ट्याण्डअप कमेडियन समय रैना र पडकास्टर रणवीर इलाहाबादिया विवादमा फसेका छन्।
उनीहरूले अश्लील बोलेको भन्दै विवाद भएको हो। विवादपछि उनीहरूको शो 'इन्डियाज गट लेटेन्ट' को एक एपिसोड हटाइएको छ। शोमा उनीहरूले कन्टेस्टेन्ट्ससँग थुप्रै अभद्र कुराकानी गरेका थिए।
विवादपछि समय रैना, रणवीर इलाहाबादिया, अपूर्वा मखीजाविरूद्ध उजुरी दर्ता भएको छ। राष्ट्रिय मानवाधिकार आयोग (एनएचआरसी) का सदस्य प्रियांक कानूनगोले युट्युबबाट भिडिओ हटाउन माग गरेका थिए। यसपछि सुचना तथा प्रसारण मन्त्रालयले युट्युबबाट भिडिओ हटाउन नोटिस पठाएको थियो। उनीहरूले जहाँ शोको छायांकन गर्छन्। त्यहाँ पुलिस पुगेको थियो।
यस शोमा उर्फी जावेद, राखी सावन्त, भारती सिंह, हर्ष लिम्बाचिया, टोनी कक्कडलगायत केही स्ट्याण्डअप कमेडियन समय रैनासँग शोमा देखिसकेका छन्।
