अद्वैत चन्दन निर्देशित फिल्म 'लवयापा' ले भारतीय बक्स अफिसमा कमजोर व्यापार गरेको छ।
भारतीय सञ्चारमाध्यम आजतकका अनुसार फिल्मले चार दिनमा ५ करोड १० लाख भारू कमाएको छ। यो फिल्मले १ करोड १५ लाख भारूमा ओपनिङ गरेको थियो।
खुशी कपूर जान्हवी कपूरकी बहिनी हुन्। जान्हवीले केही सुपरहिट फिल्म दिएकी छन्। खुशीले २०२३ मा जोया अख्तरको फिल्म 'द आर्चिज' बाट अभिनयमा डेब्यू गरेकी थिइन्।
त्यस्तै जुनैद आमिर खानका छोरा हुन्। उनले फिल्म 'महाराज' बाट अभिनयमा डेब्यू गरेका थिए। पहिलो फिल्मबाटै उनले निकै तारिफ पाएका थिए।
जुनैद र खुशी दुवैको 'लवयापा' हलमा रिलिज भएको पहिलो फिल्म हो।
