सन् २०१६ मा 'सनम तेरी कसम' हलमा प्रदर्शन हुँदा फिल्म समीक्षकले फिल्मको तारिफ गरेका थिए। तर बक्स अफिसमा फ्लप भयो।
फिल्मले जम्मा ९ करोड भारू कमाएको थियो। यो फिल्म टेलिभिजन र युट्युबमा सार्वजनिक भएपछि दर्शकले खुब रूचाए। ९ वर्षपछि यो फिल्म हलमा रिलिज भएको छ।
रि-रिलिज हुँदा फिल्मलाई दर्शकले साथ दिइरहेका छन्। यस फिल्ममार्फत हर्षवर्धन राणे र मावरा होकानेले निकै तारिफ पाइरहेका छन्। यसैबीच मावराको एक पुरानो अन्तर्वार्ता सामाजिक सञ्जालमा भाइरल भइरहेको छ। जसमा उनले २१५ जना सरू भूमिकाको लागि रिजेक्ट भएको बताएकी छन्।
'मभन्दा अघि २१५ जनाले सरू भूमिकाको लागि अडिसन दिइसकेका थिए। उनीहरू रुँदा राम्रो देखिएनन् भनेर रिजेक्ट गरिएको थियो,' उनले दैनिक जागरणसँग भनेकी छन्।
यो फिल्ममा धेरै इमोशनल सिन थियो। जसको लागि कास्टिङ गर्न निकै मुस्किल थियो। मावरा इमोशनल सिनमा रूँदा राम्रो लागेरपछि फिल्म पाएकी थिइन्।
