सन् २०१६ मा रिलिज भएको फिल्म 'सनम तेरी कसम' को ९ वर्षपछि हलमा क्रेज देखिएको छ।
रि-रिलिज हुँदा फिल्मलाई दर्शकले भरपुर साथ दिइरहेका छन्। 'सनम तेरी कसम' बाट हर्षवर्धन राणेले बलिउडमा डेब्यू गरेका थिए। फिल्ममा उनले इन्दरको भूमिका निर्वाह गरेका थिए। तर यस फिल्मको लागि पहिलो रोजाइ हर्षवर्धन थिएनन्।
फिल्मका निर्देशक विनय सप्रूले एहान भट्टलाई शर्टलिस्ट गरेका थिए। एहानले तीन महिनासम्म ट्रेनिङ पनि लिएका थिए। पछि अभिनेता विक्की कौशल र हर्षवर्धन राणेले अडिसन दिए। अडिसनको क्रममा हर्षवर्धनले राम्रो प्रदर्शन गरेपछि उनलाई लिइएको थियो। अडिसनमा उनले लिफ्टमा शर्ट उतारने सीन गरेका थिए।
एहानले वेब सिरिज 'ब्रोकन बट ब्यूटिफुल' मा अभिनय गरिसकेका छन्।
