बलिउड अभिनेता विक्रान्त मासेले छोरा वरदान मासेको तस्बिर सार्वजनिक गरेका छन्।
छोराको जन्मदिनको अवसर पार्दै उनले इन्स्टाग्राममार्फत पहिलोपटक तस्बिर सार्वजनिक गरेका हुन्। सार्वजनिक तस्बिरमा विक्रान्त, उनकी श्रीमती र छोरा सेतो र खैरो रंगको लुगामा देखिएका छन्।
'हेलो गर्नुस्! हाम्रो वरदारलाई,' उनले लेखेका छन्। उक्त तस्बिर सार्वजनिक भएपछि सामाजिक सञ्जालमा भाइरल भइरहेको छ। उनको छोराको तस्बिर देखेर उनका फ्यानले बधाई दिइरहेका छन्।
सन् २०२४ फेब्रुअरी ७ मा शितल ठाकुरले वरदानले जन्म दिएकी थिइन्।
विक्रान्तले सन् २०१३ मा 'लुटेरा' बाट बलिउडमा डेब्यू गरेका थिए। उनले 'छपाक', 'हसीन दिलरूबा', '१२ वीं फेल' र 'सेक्टर ३६' जस्ता फिल्ममा अभिनय गरेका छन्। अब उनी 'यार जिगरी', र 'आँखोंकी गुस्ताखियां' मा देखिनेछन्।
