बलिउड अभिनेता बोमन इरानीले फिल्म 'द मेहता ब्वाइज' बाट निर्देशनमा डेब्यू गरेका छन्।
यस फिल्मका निर्माता पनि बोमन इरानी नै हुन्। फिल्मको कथा दिनलारिस जूनियरले लेखेका छन्। बुबाछोराको सम्बन्धमा बनेको फिल्म ७ फ्रेबुअरीदेखि रिलिज हुँदैछ।
यस फिल्मलाई लिएर बोमन इरानीले भारतीय सञ्चारमाध्यम दैनिक भास्करसँग कुराकानी गरेका छन्।
'हरेक चिजको लागि समय लाग्छ। म ३४ वर्षको उमेरमा फोटोग्राफर बने। थिएटरमा ३५ वर्षदेखि सुरूवात गरे। ४४ वर्षमा हिन्दी फिल्ममा आए र ६५ वर्षमा निर्देशनमा पाइला राखे। मलाई सबैभन्दा बूढा निर्देशकको रेकर्ड तोड्नु थियो,' उनले भने।
फिल्ममा बोमन इरानी, अविनाश तिवारी, श्रेया चौधरी, पूजा सरूपलगायत कलाकारको अभिनय छ।
