बलिउड अभिनेता ऋतिक रोशन र टाइगर श्राफको फिल्म 'वार' ले बक्स अफिसमा राम्रो व्यापार गरेको थियो।
फिल्मले राम्रो प्रतिक्रिया बटुलेसँगै सिक्वेलको घोषणा गरिएको थियो। यस फिल्ममा दक्षिण भारतीय अभिनेता जुनियर एनटिआर र कियारा आडवानीको पनि मुख्य भूमिका रहनेछ। यसैबीच फिल्ममा श्रद्धा कपूर जोडिएको खबर बाहिरिएको छ।
भारतीय सञ्चारमाध्यम दैनिक जागरणका अनुसार फिल्ममा उनी आइटम डान्स गर्नेछिन्। तर निर्माण टिमले आधिकारिक जानकारी दिएका छैनन्।
'वार २' यशराज फिल्म्सको स्पाइ युनिभर्सको फिल्म हो। फिल्मलाई अयान मुखर्जीले निर्देशन गर्नेछन्।
२०१९ मा आएको एक्सन फिल्म 'वार' बक्स अफिसमा सुपरहिट भएको थियो।
