सलमान खानले आफ्नो नयाँ सिनेमाको घोषणा गरेका छन्।
ट्वीटरबाट सलमानले आफ्नो नयाँ सिनेमाको नाम र रिलिज मिति घोषणा गरेका हुन्।
आगामी वर्षको ईदमा रिलिज हुने सलमानको यस सिनेमाको नाम 'कभी ईद कभी दिवाली' राखिएको छ।
यस वर्षको ईदमा भने 'राधेः द मोस्ट वान्टेड भाइ' रिलिज हुँदैछ।
सिनेमालाई 'हाउसफुल ४' निर्देशन गरेका फरहाद सामजीले निर्देशन गर्नेछन्।
फरहादले पनि ट्विटरबाट समाचारको पुष्टी गरेका छन्।
यसैगरी 'किक' निर्माता साजिद नाडियालवाले निर्माण गर्ने यस सिनेमामा कृति सेननले सलमान खानसँग जोडी बाँध्ने सम्भावना छ।
सिनेमाको निर्देशकको रोजाइमा कृति परेको बताइन्छ।
कृतिले साजिदके सिनेमा 'हीरोपंती'बाट बलिउडमा डेब्यू गरेकी थिइन् भने हाल उनी साजिद र फरहादको सिनेमा 'बच्चन पांडे'मा काम गरिरहेकी छन्।
'बच्चन पांडे'मा उनी अक्षय कुमारको जोडी बनेकी छन्।
