अष्ट्रेलियामा बस्दै आएका गायक अनिल जोशी र गायिका रचना रिमालको स्वरमा 'हे माया' बोलको गीत सार्वजनिक भएको छ।
काठमाडौंमा एक कार्यक्रमको आयोजना गर्दै गीतको भिडिओ सार्वजनिक गरिएको हो।
अन्जान रेग्मीको लगानी रहेको गीतमा विष्णु भट्टको शब्द तथा संगीत छ। माइकल चन्दले निर्देशन गरेको गीतमा युवाहरूले युवतीहरूलाई जिस्काएको देख्न सकिन्छ।
नृत्य शैलीको गीतमा सुधिर श्रेष्ठ, श्रद्धा क्षेत्री, बिना राउत र सरोज प्रजाको साथमा बालकलाकार आर्या रेग्मीको अभिनय छ। नवराज उप्रेतीले छायांकन गरेको भिडिओलाई शिलन लम्सालले सम्पादन गरेका हुन्।
गीत सार्वजनिक कार्यक्रममा बोल्दै निर्देशक चन्दले भने, 'यो गीतको भिडिओ हतारमा तयार पार्नु पर्याे। तर गीतलाई राम्रो बनाउनको लागि कुनै कमी राखेको छैन। दर्शकहरूले मन पराउनु हुन्छ भन्ने आशा छ।’
