गीतमा गलबन्दी शब्द पछिल्लो समय धेरै प्रयोग हुन थालेको छ। पहिला पनि प्रयोग हुँदै आएको गलबन्दी पछिल्लो समय प्रकाश सपूत र शान्ति श्री परियारको गलबन्दी च्यातियो गीत चर्चित भएपछि झनै दोहोरिन थालेको हो।
संगीत बजारमा फेरि अर्को गलबन्दी थपिएको छ। आज शुक्रबार राजनराज शिवाकोटीको संगीत र स्वरमा नयाँ गीत 'तिम्ले देको गल्बन्दी' सार्वजनिक भएको हो। गीतको शब्द बिनोद बन्जरा र राजनराज शिवाकोटीले लेखेका हुन्।
अभिनेत्री तथा मोडल मलिका महत र कुन्साङ बोम्जोनको जोडीलाई म्युजिक भिडिओमा दर्शकले विशेष रुचाएका छन्। 'तिम्ले देको गल्बन्दी' मा यही जोडीको अभिनय हेर्न पाइन्छ।
गीतलाई राजेश पूमा राईले निर्देशन गरेको भिडिओमा सन्तोष राजभाकको कोरियोग्राफी रहेको छ। उत्सव दाहालले खिचेको भिडियोलाई विकास दहालले सम्पादन गरेका छन्।
