गायक भीषण मुकारुङको स्वरमा पूर्वेली भाकामा 'ए सिम्मा' बोलको म्युजिक भिडिओ सार्वजनिक भएको छ।
विल्सन विक्रम राई अर्थात् तक्मे बुढाको कथा र रहेको यो भिडिओमा रजनी गुरुङ, भीषण मुकारुङ र श्याम राईले अभिनय गरेका छन्। यसअघि चर्चित 'खोर्सानी डल्ले' शीर्षकबाट निस्किएको गीतको सिक्वलका रुपमा सार्वजनिक यो गीत 'खोर्सानी डल्ले २'का रुपमा निकालिएको हो।
राई जातिको संस्कार र संस्कृति रहेको नेपालको पूर्वी भेगको प्रेम कथालाई विल्सनले भिडिओमा उतारेका छन्। राई जाति लाहुरे संस्कृति अनि गोठालेको सिम्मासँगको प्रेमकथालाई भिडिओमा देखाइएको छ। 'ए सिम्मा'ले दर्शकलाई कुनै पूर्वेली गाउँको परिवेशमै पुगेको आभास दिलाउँछ।
दुर्लभ जन्तरे लेखेको गीतमा विशेष खालिङको संगीत छ। संगीत संयोजन चन्दु गोर्खाली गरेका छन्।
