कान्तिपुर टेलिभिजनमा सत्य घटनामा आधारित अपराध कथा सिरिज 'क्राइम फाइल्स' प्रसारण हुने भएको छ। आगामी कार्तिक महिनादेखि सुरु हुने सिरिजमा नेपालभित्रै घटेका विभिन्न अपराधिक घटनाहरुको नाट्य रुपान्तरण क्राइम फाइल्स मार्फत प्रस्तुत गरिने छ।
नेपाल प्रहरीले सुल्झाएका धेरै अपराधिक घटना मध्ये न्यायको दृष्टिकोणबाट हेर्दा महत्वपूर्ण र अनुसन्धानको दायराबाट जटिल कथाहरु समेटेर क्राइम फाइल्स निर्माण गरिएको बताइएको छ।
कार्यक्रमले आममानिसलाई थप सजग र सतर्क बनाउने विश्वास क्राइम फाइल्स टोलीले लिएको छ। कार्यक्रमको मुख्य प्रायोजकमा नेपाल लाइफ इन्स्योरेन्स कम्पनी र सह–प्रायोजकमा सगरमाथा सिमेन्ट र दिव्य कुकिङ आयल रहेका छन्।
कार्यक्रमलाई एड प्याड र रोमा प्रोडक्सनले निर्माण गरेका हुन् भने कार्यक्रमको मेकिङ टि–फोल्क्स् प्रोडक्सनले गरेको हो। क्राइम फाइल्सको बजार व्यवस्थापन एड रिलिजले गर्ने छ।
