'हस् त नमस्ते’, ‘लोकल सोकल’, ‘गाउँकी नानी’, ‘लिम्बु हो कि नेवार’ जस्ता गीतका गायक र्यापर बिजेनको नयाँ गीत ‘मरे पछि’ को भिडिओ सार्वजनिक भएको छ।
बिजेनले डेब्यु एल्बम ‘बिजेन’मा रहेको गीत आफ्नै युट्युब च्यानलबाट सार्वजनिक गरेका हुन्। भिडिओमा बिजेन ग्यारेजमा गाडी मर्मत र सरसफाइ गरिरहको देखिन्छन्।
‘दोस्रो लकडाउनपछि म रमाउन सकेको थिइनँ। त्यसकारण त्यो समयमा केही काम गर्नुपर्छ भनेर मैले बिहान ४ बजेर ३० मिनेट जाँदा यो गीत लेखेँ’, नयाँ गीतबारे उनले भने।
बिजेनका अनुसार नयाँ गीतले जीवनमा स्थायी केही नभएका कारण मानिसले अनुशासनमा रहेर खुशी जीवन बिताउन सक्नुपर्छ भन्ने सन्देश दिएको छ। व्यक्ति र उसको वरपर रहेको सम्बन्धको चर्चा बारेमा बोलेको छ।
पीभीइ नेटवर्कले व्यवस्थापन गरिरहेको यो एलबम सन् २०२१ भित्रै रिलिज गर्ने बिजेनले बताएका छन्। एल्बम प्रवर्धनका लागि संगीत भ्रमणमा नेपालका विभिन्न ठाउँ जाने उनको योजना छ।
