हास्य-व्यंग्य विधामा नाम कमाएका कलाकार राजा राजेन्द्र पोखरेलले मातातिर्थ औंसी अर्थात आमाको मुख हेर्ने दिनको सन्दर्भ पारेर नयाँ गीत सार्वजनिक गरेका छन्।
‘आमा जननी मेरी माता’ बोलको गीतको सार्वजनिक लिरिकल भिडिओमा लिफ आर्ट (पात कला) मार्फत आमा र सन्तानको सम्बन्धलाई मनछुने तरिकाले प्रस्तुत गरिएको छ।
गायक राजाराजेन्द्रले आमाहरुको सम्मानमा आमाको मुख हेर्ने दिन पारेर गीत सार्वजनिक गरेको बताए। राजा राजेन्द्रको शब्द र संगीतसमेत रहेको गीतमा संगीत संयोजन दीक्षित पौडेलले गरेका छन्। भिडियो सम्पादन संजीप श्रेष्ठले गरेका हुन् ।
भिडिओमा बिराज भण्डारीको आकर्षक लिफ आर्ट देख्न पाइन्छ। गीतको भिडिओ गायक तथा कलाकार राजा राजेन्द्रको युट्युब च्यानलमा अपलोड गरिएको हो।
