गायक प्रसिद्ध चुडालको नयाँ गीत सार्वजनिक भएको छ। 'बन्दैछ मन' बोलको यो गीतमा गायक प्रसिद्ध र विरोध बुर्लाकोटीले शब्द दिएका छन्। यसको संगीत व्यवस्था गोपाल रसाइलीले गरेका हुन्।
'भन्दैछ मन'को म्युजिक भिडिओमा प्रेम र विछोडको कथा देखाइएको छ। यसमा मिहारी आचार्य र कबिर खड्काको प्रस्तुति छ।
भिडिओलाई प्रवेश पौडेलले निर्देशन गरेका हुन्। प्रवेशले यसअघि 'अमेरिका ब्वाइज' फिल्म निर्देशन गरिसकेका हुन्। ‘भन्दैछ मन’ उनको पहिलो म्युजिक भिडिओ निर्देशन हो। उनी चैत दोस्रो सातादेखि फिल्म ‘बिहे पास’को छायांकनमा जाँदैछन्।
निर्देशक प्रवेशले फिल्म निर्देशन र म्युजिक भिडिओ निर्देशन गर्नुलाई दुवै सिर्जनात्मक अभिव्यक्ति भएकाले आफ्नो करिअरमा खासै फरक नपर्ने बताउँछन्। उनले म्युजिक भिडिओलाई फगत ट्रेन्डिङको लोभले भन्दा गीतको भाव अनुसार कथा भन्न सके गीत-संगीतप्रति न्याय हुने तर्क राखे।
काठमाडौं आसपास छायांकन गरिएको 'भन्दैछ मन'को भिडिओमा आलोक शुक्लाको सिनेमेटोग्राफी रहेको छ। यसलाई नवीन निरौलाले सम्पादन गरेका हुन्।
'भन्दैछ मन' शुक्रबार युट्युब च्यानल ओएसआर डिजिटल मार्फत सार्वजनिक भएको छ।
