‘सेल्फी किङ’को नयाँ गीत सार्वजनिक भएको छ।
माघ २४ गते रिलिज हुने सिनेमाको ‘जिन्दगीको के छ र भर?’ बोलको गीत सार्वजनिक भएको हो।
गीतमा सिनेमाका मुख्य कलाकार विपिन कार्की फिचर्ड छन्।
सुभाष भुसालले संगीत भरेको गीतमा केतन क्षेत्रीको स्वर छ भने गीत सुरज गैरे ‘विवस’ले लेखेका हुन्।
सिनेमामा विपिनसँगै लक्ष्मी वर्देवा, भुवन चन्द, अभय बराल, लोकमणि सापकोटा, जीवन भट्टराई, सबिन बास्तोलालगायतका कलाकारको अभिनय छ।
एक हास्यकलाकारको तीन दिने महोत्सव यात्राको कथा भन्ने सिनेमाका निर्देशक विशाल सापकोटा हुन्।
निर्देशक सापकोटाकै कथामा सुसन प्रजापतिको छायांकन, जीवन थापाको सम्पादन र निर्मलकुमार थापाको कोरियोग्राफी छ। दिनेश राउत र सुभाष थापा मिलेर ‘सेल्फी किङ’ निर्माण गरेका हुन्।
