‘जात्रै जात्रा’को ट्रेलर सार्वजनिक भएको छ । शुक्रबार सिनेमाको ट्रेलर सार्वजनिक गरिएको हो ।
प्रदीप भट्टराईको निर्देशित सिनेमा दुई वर्ष पहिले रिलिज भएको ‘जात्रा’को सिक्वल हो। सिनेमा जेठ ३ मा रिलिज हुनेछ।
निर्देशक भट्टराईले सिक्वलको कथा अघिल्लो सिनेमामा जहाँ कथा सकिएको थियो त्यहीबाट सुरू हुने जानकारी दिएका छन्।
सिनेमामा विपिन कार्की, रविन्द्र सिंह बानिया, रविन्द्र झा, दयाहाङ राई, वर्षा राउत, राजाराम पौडेल, प्रकाश घिमिरे, सोहित मानन्धर, कालु राना, अंशु महर्जन, कृष्णभक्त महर्जन, कविन्द्र त्रिपाठी, प्रेम पाण्डे, साजन थापा मगर, प्रियंका झा लगायतका कलाकारको पनि अभिनय रहेको छ ।
षट्कोण आर्टको व्यानरमा निर्माण भएको सिनेमाका कार्यकारी निर्माता रविन्द्र सिंह बानिया हुन् ।
‘जात्रै जात्रा’मा शिवराम श्रेष्ठको छायांकन, काली प्रसाद बास्कोटा, राजनराज सिवाकोटी र कृष्ण भारद्धाजको संगीत, शंकर महर्जनको द्धन्द्व, मित्र डि गुरुङको सम्पादन रहेको छ ।
