‘आप्पा’ सिनेमाले आफ्नो दोश्रो गीत सार्वजनिक गरेको छ। दयाहाङ राई अभिनित सिनेमाले ‘साँझ परे पछि’ बोलको गीत रिलिज गरेको हो।
सोमबार रिलिज गरिएको गीतमा निर्देशक अनमोल गुरुङको शब्द तथा संगीत रहेको छ। त्यसैगरी गीतमा निर्देशक गुरुङ र स्नेहश्री थापाको स्वर छ ।
गीतमा मुख्य कलाकार सिद्धान्त राज तामाङ र अल्लोना काबो लेप्चालाई फिचर्ड छन् ।
सिनेमा आगामी वर्षको जेष्ठ २४ गतेबाट रिलिज हुनेछ ।
बाबु छोराको सम्बन्धको कथामा निर्माण भएको सिनेमाका निर्देशक अनमोल गुरुङ हुन् । यो अनमोलको डेब्यु निर्देशकिय सिनेमा हो ।
सिनेमामा दयाहाङ राई, सिद्धान्त राज तामाङ, अल्लोना काबो लेप्चा, तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ ।
‘आप्पा’मा निर्देशक अनमोल गुरुङको कथा, अनमोल गुरुङ र उमेश उपमाको पटकथा तथा संवाद, शैलेन्द्र डि कार्कीको छायाँकन, अनमोल गुरुङ र शैकात देवको संगीत, निमेष श्रेष्ठको सम्पादन छ ।