सलिन मान बनियाँ स्टारर ‘यात्रा: अ म्युजिकल भ्लग’को पहिलो गीत सार्वजनिक भएको छ । सिनेमाको ‘पाँच पन्छी..’ बोलको गीत सार्वजनिक भएको हो।
गीतमा सिनेमाका मुख्य कलाकार सलिनमान बनियाँ, मल्लिका महत, प्रेक्षा बज्राचार्य, जान्वी बस्नेत, रेयर राई लयायतका कलाकारलाई फिचर्ड छन् ।
गीतमा प्रतिक पौडेलको शब्द तथा संगीत रहेको छ। गीतमा मेलिना राई, धर्मेन्द सेवान, प्रेक्षा बज्राचार्य, उपकार पाण्डेको स्वर सुन्न सकिन्छ । प्रविण सिंह गीतका कोरियोग्राफर हुन्।
सम्राट शाक्यले निर्देशन गरेको यस सिनेमाले यात्राको क्रममा आउने उतार चढावको कथा भन्छ। सिनेमाको पटकथा तथा संवाद निर्देशक शाक्यले सुरेश न्यौपाने, प्रतिक पौडेल र शिशिर खातीले ढालेका हुन् । कथा उनी स्वयंको हो।
सिनेमामा सलोन बस्नेत, जय नन्द लामा, धिरेन शाक्य, राजाराम पौडेल, विशाल कटवाल, समृद्धि राई, योगेश जंग कुँवर, इश्वर पौडेल, नानीकाजी डंगोल, राजेश बिसुराल, इश्वर पौडेल, बिशाल पहाडी, प्रजोल भट्टराई, देशभक्त खनाल, कमल मैनाली, सौगात शर्मा आदिको पनि अभिनय रहेको छ ।
कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण भएको सिनेमाका प्रस्तुतकर्ता केशव भट्टराई र चिज कुमार श्रेष्ठ हुन् ।
सिनेमामा सञ्जय लामाको छायांकन, कविराज गहतराज र प्रविन सिंहको कोरियोग्राफीको साथमा हिमाल केसीको द्वन्द, वरिष्ठ संगीतकार शम्भुजित बास्कोटाको, प्रतिक पौडेल र कोविद बज्रको संगीत, बनिश शाहको सम्पादन रहेको छ ।
