दोस्रो नेपाल अन्तराष्ट्रिय फिल्म फेस्टिभल -‘निफ’ काठमाडौंमा हुने भएको छ। बिहिबार राजधानीमा एक कार्यक्रमकाबीच यसको जानकारी दिइएको हो।
गत वर्ष फेस्टिवल पोखरामा भएको थियो।
कार्यक्रममा बोल्दै फेस्टिभलका संयोजक केपी पाठकले नेपाली सिनेमालाई अन्तराष्ट्रिय लेभलमा पुर्याउनको निमित्त पनि कार्यक्रम सार्थक हुने बताए ।
‘हाम्रो जुरी कमिटीमा नेपालसँगै विदेशी सिनेमाकर्मी पनि हुनुहुन्छ, त्यहा हाम्रो सिनेमालाई उहाले हेर्नु हुन्छ हाम्रो सिनेमा कस्तो बनेको छ भन्ने संदेश पनि जान्छ’, पाठकले भने।
महोत्सव फेब्रुअरी २१ देखि २५ तारिखसम्म चल्नेछ ।
महोत्सवमा ३१ राष्ट्रका ५९ वटा सिनेमाहरु प्रदर्शन गरिनेछ। यसमा नेपालका १६ सिनेमाहरु समावेश छन् । महोत्सवमा समावेश विदेशी सिनेमाहरु मध्ये ३१ वटा शर्ट सिनेमाहरु छन् भने ६ वटा फिचर सिनेमाहरु छन् ।
यस्तै नेपालीतर्फ ६ फिचर र १० छोटा सिनेमा रहेका छन् ।
नेपालले अन्र्तराष्ट्रिय सहकार्यमा बनाएका दुई वटा शर्ट सिनेमाहरु निफ महोत्सवमा देखाइनेछ ।
महोत्सवले नयाँ सिनेमाकर्मीहरुका लागि अवसर प्रदान गर्ने उद्देश्यले प्रतिस्पर्धात्मक कथा वाचन कार्यक्रमको गर्ने जनाएको छ ।