'जात्रा'को सिक्वेल ‘जात्रै जात्रा’को सुटिङ् आफ्नो लिड कलाकार विपिन कार्कीको दुर्घटनाका कारण समयमै नसकिने भएपछि सो मितिमा 'द ब्रेकअप' रिलिज हुनेभएको छ।
घोषणासँगै पुस २७ गतेको सो मितिमा हेमराज बिसी निर्देशित 'दि ब्रेकअप' उनैले होस्टेल' सिनेमा मार्फत डेब्यू गराएका अनमोल केसी स्टारर 'क्याप्टेन'सँग आमुन्ने-सामुन्ने हुने पक्का भएको छ।
'दि ब्रेकअप'को निर्माणपक्षे प्राविधिक भन्दै फागुन १७ गतेको मितिबाट अगाडी सरेको हो। यस सिनेमामा हेमराजले 'ग्याङ्स्टर ब्लुज'बाट डेब्यू गराएका आशिरमान देशराज श्रेष्ठ मूख्य भूमिकामा रहेका छन्।
सिनेमामा आशिरको अलावा शिल्पा मास्के, इच्छा कार्की, सरोज खनाल लगायतका कलाकारको अभिनय रहेको छ । सिनेमाले आफ्ना दुई गीत रिलिज गरिसकेको छ ।
दिवाकर भट्टराईको निर्देशन रहेको क्याप्टेनलाई भूवन केसीले निर्माण गरेका हुन् । सिनेमामा अनमोलसँगै उपासना सिंह ठकुरी, प्रियंका एमभी, सुनिल थापा, प्रशान्त ताम्राकारलगायतका कलाकारको अभिनय रहेको छ ।
