निर्देशकदेखि कलाकारहरुलाई र्याम्पमा उतार्दै 'मारूनी' सिनेमा निर्माणको औपचारिक घोषणा गरिएको छ। अभिनेत्री साम्राज्ञी राज्य लक्ष्मी शाह र डेब्यू अभिनेत्री रेविका गुरूङको साथमा अभिनेता पुष्पल खड्का सिनेमामा प्रमूख भूमिकामा देखिनेछन्।
फिल्मलाई नवल नेपालले निर्देशन गर्दैछन्। उनले यसअघि 'मंगलम' निर्देशन गरेका थिए।
सिनेमामा गोविन्द फुँयालको कथा तथा अर्जुन पोखरेल र कृष्ण काफ्लेको संगीत रहनेछ । सिनेमालाई सञ्जय लामाले फिल्म खिच्नेछन् ।
काठमाडौं र बाँके लगायतका स्थानमा छायांकन हुने फिल्मको टाइटलले कुनै नाचसँग सरोकार नराख्ने निर्देशक नेपालको भनाइ छ । नेपाका अनार सिनेमाले दुई युवतीको कथा
पुनम इन्टरटेन्मेन्टको ब्यानरमा निर्माण हुने फिल्ममा निर्मात्री पुनम गौतमलाई अजय पोखरेल र राजा प्रधानले लगानीमा सहकार्य गरेका छन् ।
सिनेमामा सुनिशा क्षेत्री, अरुण राज, आयुष प्रधान, शंखर सेढाइलगायतका कलाकारहरुको पनि अभिनय रहनेछ । सायरा आचार्य, आभाष सिंह, स्वर्णिम पौडेल र सौर्य अधिकारी बाल कलाकारमा रहेका छन् ।
