‘गरुड पुराण’ले ५० हजार नगद पुरस्कारसहितको कभर भिडियो प्रतियोगिताको घोषणा गरेको छ।
प्रतियोगितामा सहभागी हुन चाहने प्रतियोगीले सिनेमा समाविष्ट ‘म त पिरिममा...’ गीतमा कभर भिडियो बनाउनुपर्नेछ।
सिनेमा माघ ४ गते रिलिज हुनेछ।
निर्देशक सुबास कोइरालाले एउटा म्यूजिक भिडियो र नृत्य समुहका सदस्यहरुको फोटो सेसनको अवसरलगायतका पुरस्कार प्रदान गरिने बताएका छन् । प्रतियोगीले भाग लिन एकल, युगल वा सामुहिक रुपमा कभर भिडियो बनाएर creationmadani@gmail.com मा पठाउनु पर्नेछ ।
कभर भिडियो प्रतियोगिता घोषणा गरिएको गीतमा कोशिश क्षेत्रीको संगीत छ । गीतलाई दिनेश राउतले लेखेका हुन् । गीतमा कोशिश र मनिषा पोखरेलको आवाज रहेको छ । कोरियोग्राफी रेनाशा वान्तवा राईले गरेकी छन् । गीतमा निश्चल बस्नेत, कर्मा, प्रियंका सिंह ठकुरी र अन्जली योन्जन फिचर्ड छन् ।
पारिवारिक प्रेमकथामा आधारित ‘गरुड पुराण’ हास्य प्रधान जनरामा तयार भएको निर्देशकले बताएका छन् । नाजिर हुसेन, कर्मा, प्रविण खतिवडा, कामेश्वर चौरसिया, लुमिना तुलाधर, बसन्ध भट्ट, प्रकाश घिमिरे, कमल देवकोटालगायतका कलाकारहरुको सिनेमामा अभिनय छ ।