सुविन भट्टराई लिखित बहुचर्चित प्रेम उपन्यास 'समर लभ'मा बनेको सिनेमा 'समर लभ'को टिजर सार्वजनिक भएको छ।
मुस्कान ढकाल निर्देशित फिल्मको सार्वजनिक टिजरमा 'साया' र अतित' बनेका आशिष पिया तथा रेवती क्षेत्रीको साथमा सुरज सिंह ठकुरीलाई देखाइएको छ। फिल्मको टिजरमा उनीहरूको प्रेम र विछोड बुझाउने संवादहरूलाई ज्यादा स्थान दिइएको छ।
फिल्मबाट आशिष र रेवती नेपाली रजतपटमा डेब्यू गर्दैछन्।
सुबिनको कथामा सामीप्यराज तिमल्सेनाले पटकथा रहेको छ । फिल्मको संवाद सुबिन र सामीप्य मिलेर लेखेका छन् ।
नाइटिंगेल इन्टरटेनमेन्टको ब्यानरमा निर्माण गरिएको फिल्ममा खगेन्द्र श्रेष्ठ र इन्दु भण्डारी निर्माता रहेका छन् भने बिनोद अधिकारी कार्यकारी निर्माता रहेका छन् । स्वपन सरकार र मनोज बिक सह-निर्माता रहेको फिल्ममा एकराज तामाङ लाइन प्रोड्युसर रहेका छन् ।
फिल्ममा पुष्पन प्रधानको संगीत रहेको छ भने फिल्मलाई सञ्जय लामाले छायांकन गरेका हुन् । माघ २५ लाई फिल्मको रिलिज मिति तोकिएको छ।