बलिउड अभिनेत्री प्रिंयका चोपडाले निर्माण गरेको नेपाली भाषाको सिनेमा ‘पाहुना : द लिटिल भिजिटर’को ट्रेलर सार्वजनिक भएको छ ।
पाखी ए टायरबालाको निर्देशित सिनेमा नेपाल लगायतका भारतमा डिसेम्बर ७ तारिख अर्थात मंसिर २१ गतेबाट रिलिज हुनेछ।
नेपाली भाषामा निर्माण गरिएको उक्त सिनेमाको ट्रेलरमा अंग्रेजी सबटाइटल राखिएको छ । प्रिंयका चोपडा र उनकी आमा मधु चोपडाको ब्यानर पर्पल पेबल पिक्चर्समा पाहुना निर्माण गरिएको हो ।
प्रियंकाको यस कम्पनीले पछिल्लो समय भारतका क्षेत्रिय भाषाका सिनेमा निर्माण गरिरहेको छ। क्षेत्रिय भाषाका सिनेमा निर्माणलाई बढावा दिने योजना अन्तरगत उनको कम्पनीले नेपाली भाषामा 'पाहुना' निर्माण गरेको हो।
यस फिल्मको निर्माणका लागि नेपाली भाषीहरूको बाहुल्य रहेको सिक्किम सरकारले पनि सहयोग गरेको छ।
पाहुनाले नेपालमा माओबादी द्धन्द्वबाट बचेर सिक्किम पुगेका तीन बच्चाहरुको कथामा सिनेमा निर्माण गरिएको छ ।
सिनेमामा इशीका गुरुङ, अनमोल लिम्बु, मञ्जु केसी, शरण राई, विनोद प्रधान, उत्तम प्रधान, विनिता लुगुन लगायतका कलाकारको अभिनय रहेको छ ।
जर्मनीमा गएको महिना सम्पन्न ‘श्लिंगेल इन्टरनेशनल चिल्ड्रेन्स फिल्म फेस्टिवल’ मा ‘पाहुना’ ले अन्तर्राष्ट्रिय फिचर फिल्म श्रेणीमा बेस्ट सिनेमा (जुरी च्वाइस) र स्पेशल मेन्सन बाई प्रोफेशनल जुरी अवार्ड जितेको थियो ।
