‘गरुड पुराण’को फस्टलुक पोस्टर सार्वजनिक गर्दै आफ्नो रिलिज मिति पनि सार्वजनिक गरेको छ ।
सुवास कोइराला निर्देशित फिल्म माघ ४ गते रिलिज हुनेछ। वितरक र निर्माण टिमको सहमतीमा माघ ४ गतेलाई सिनेमाको रिलिज मिती तय गरिएको निर्देशक कोइरालाले बताए ।
आइतबार सार्वजनिक गरिएको पोष्टरमा अभिनेता नाजिर हुसेनलाई व्यान्ड मास्टरको रुपमा प्रस्तुत गरिएको छ । पोस्टरमा अभिनेताहरु कर्मा शाक्य, प्रविण खतिवडा, कामेश्वर चौरसिया, र अभिनेत्री प्रियँका सिंह ठकुरी समेटिएका छन् ।
अजित प्रजापति र अशोक गौतमले निर्माण गरेको सिनेमामामा लुमिना तुलाधर, बसन्ध भट्ट, प्रकाश घिमिरे, कमल देवकोटा, सरोज श्रेष्ठ लगायतका कलाकारको पनि मुख्य भूमिका रहेको छ ।
पारिवारिक प्रेमकथा र कमेडीमा आधारित सिनेमामा आकाश बराल, बिनोल खतिवडा र निर्देशक सुवास कोइरालाले मिलेर संवाद लेखेको सिनेमाको कथा कशम नेपालको हो ।
रेनेशा वान्तवा राईको कोरियोग्राफी रहेको सिनेमामा कोशिस क्षेत्रको संगीत, कोशिस क्षेत्री र मनिषा पोखरेलको स्वर, सुसन प्रजापतिको छायाँकन, उज्ज्वल ढकालको सम्पादन रहेको छ ।