नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ की नातिनी स्मिता र सरोज ओलीको स्वरमा ‘पानी कुवा’ बोलको गीतको भिडियो सार्वजनिक भएको छ।
कार्टुन्ज क्रुलाई फिचरिङ गरिएको भिडियोमा सबै सदस्य नेपाली पोशाकमा देखिएका छन्।
क्रुसँगै अभिनेत्री प्रियंका कार्कीको पनि छोटो भूमिका छ। दिनेश थपलियाको शब्द रहेको गीतमा संगीतकार बसन्त सापकोटाले संगीत भरेका छन्।
कविराज गहतराजले कोरियोग्राफी गरेको गीतको भिडियोलाई सौरभ लामाले छायांकन गरेका छन्।
उदयराज पौडेलको एरेन्जको गीतलाई उज्वल श्रेयान महतले मिक्सिङ र अर्जुन जिसीले भिडियो सम्पादन गरेका छन्।
