हलो जोत्न खेतीमा आऊ न राजै आऊ
जिउमा तागत छँदैमा आऊ न राजै आऊ
गायिका अन्जु पन्तले चालिस नकट्दै आफ्नो खेतबारीमा काम गर्न विदेशिएका युवाहरुलाई गीत मार्फत बोलाएकी छिन। झन्डै एक दशक देखि पढाइ र रोजगारीका सिलसिलामा विदेशतिरै बसिरहेका स्रष्टा, संचारकर्मी प्रकाश सापकोटाको शब्द रहेको गीतमा जितेन लेप्चाले संगीत भरेका छन् भने परदेशी केटा बनेर लेप्चा आफैंले आवाज भरेका छन्।
अहिलेको जल्दो बल्दो परिस्थिति उजागर गरिएको गीतमा युवकले बिदेशिन पर्नुको बाध्यता बोल्दछ भने युवति दुख-कष्ट सहेर भए पनि संगै बस्न पाए हुन्थ्यो भन्छिन। मार्मिक गीत परिबन्धले घर छोडेर देशबाहिर रहन बाध्य लाखौँ युवाहरुको व्यथा बोलेको गीतकार सापकोटा बताउँछन।
शब्दले चसक्कै छोएपछि आफैंले संगीत भरेर अन्जु पन्तसंग गाएर यो गीत स्रोतामाझ ल्याउन जाँगर चलेको संगीतकार लेप्चा सुनाउँछन।
गीतको मर्म समेट्ने भरसक कोशिस गर्दै भिडियो निर्देशक मिलन शंकरले मोडल सम्पदा बानियाँ सहितका कलाकार लिएर म्युजिक भिडियो बनाएका छन्। म्युजिक भिडियो हाइलाइटस नेपालले युट्युब मार्फत सार्वजनिक गरि सकेको छ।
म्युजिक भिडियो यस्तो छ: