लेखक, पत्रकार एवम् टेलिभिजनकर्मी विजय कुमार आफ्नो पहिलो उपन्यास लिएर आउँदैछन्।
२०७५ सालभित्रै बजारमा आउने उक्त आख्यानको प्रकाशनबारे मंगलबार लेखक र प्रकाशक ‘फाइनप्रिन्ट’ बीच सम्झौता भयो।
सम्झौतामा लेखक विजय कुमार र फाइनप्रिन्टका प्रमुख कार्यकारी अधिकृत नीरज भारीले हस्ताक्षर गरेका छन्।
हस्ताक्षरपछि विजय कुमारले भने, ‘लेखन शैली र विषयवस्तु दुवै दृष्टिबाट यो उपन्यास नेपाली भाषामा एक नयाँ प्रयोग हुनेछ।’
विजय कुमारको मदन पुरस्कार विजेता कृति खुसी २०७१ सालमा फाइनप्रिन्टबाटै प्रकाशित छ।
‘मदन पुरस्कार विजेता लेखकको दोस्रो कृति प्रकाशन गर्न पाएकोमा हामी खुसी एवम् गौरवान्वित छौँ। यो पुस्तकले पनि विजय कुमारको पहिलो पुस्तक खुसीले झैं पाठकको स्नेह पाउने विश्वास छ,’ फाइनप्रिन्टका प्रमुख कार्यकारी भारीले भने।
