लेखनाथको बुढिबजारमा शुक्रबार बिहान भएको दुर्घटनामा एक जनाको ज्यान गएको छ। तालचोकबाट आउँदै गरेको ग १० प ८८५८ नम्बरको स्कुटरलाई ग १ क २४०२ नम्बरको ट्रिपरले ठक्कर दिँदा स्कुटर चालकको घटनास्थलमै ज्यान गएको हो।
स्कुटर चालक लेखनाथ १३ का ३५ वर्षीय विजय गुरूङको घटनास्थलमै मृत्यु भएको प्रहरीले जानकारी दिएको छ। मृतकको शव पश्चिमाञ्चल क्षेत्रीय अस्पतालमा राखिएको छ। चालक र ट्रिपरलाई नियन्त्रणमा लिईएको प्रहरीले जनाएको छ।
