महोत्तरीको बनोटामा एक महिलाले आफ्नो शरीरमाथि मट्टीतले खन्याएर आगो लगाउँदा मृत्यु भएको छ। घरायसी तनावका कारण बनौटा ४ बस्ने ज्योति झाले आफ्नै शरीरमा मट्टितेल खन्याएर आगो लगाउँदा उनको मृत्यु भएको प्रहरीले जनाएको छ। मानसिक सन्तुलन गुमाएकी झाले यस अघि पनि दुई पटक आफ्नो शरीरमा मट्टितेल खन्याएर आत्महत्याको प्रयास गरेको जिल्ला प्रहरी कार्यालय प्रहरीले जनाएको छ।
बनौटा ४ का राजीव झाकी २३ वर्षिय श्रीमती ज्योतिले लामो समयदेखि चल्दै आएको घरायसी तनावका कारण आफ्नै शरीरमा मटितेल खन्याएर आगो लगाएपछि उनी घाइते भएकी थिइन्। उनको उपचारको क्रममा जनकपुर अञ्चल अस्पतालमा मृत्यु भएको जिल्ला प्रहरी कार्यालय महोत्तरीका प्रहरी नायव उपरीक्षक विनोद सिलवालले बताए।
घटना सम्बन्धि थप अनुसन्धान भइरहेको प्रहरीले जनाएको छ।
