अमेरिकाको सान फ्रान्सिस्कोमा सम्पन्न 'नेपाली म्युजीक फेस्टिभल–२०१८' नामक कार्यक्रमले पोखरामा निर्माणाधिन कराँते प्रशिक्षण भवनका तथा भूकम्प प्रभावित स्कूल निर्माण तथा तिनमा पुस्तकालय स्थापनाका लागि ३९ लाख नेपाली रूपैयाँ उठाएको छ।
अमेरिकामा दर्ता भएको नेपालीहरुको समाजसेवी संस्था हिमालयन फाउन्डेसन कर्पले जुलाई १४ मा आयोजना गरेको सो फेस्टिभलमा चर्चित गायिका अन्जु पन्त र चर्चित गायक राजु लामाका साथमा द एक्स ब्याण्डले आफ्ना सुमधुर गीत प्रस्तुत दिएका थिए ।
निर्माणाधीन कराँते प्रशिक्षण भवनका लागि सहयोग जुटाउने उद्धेश्यले आयोजीत फेस्टिभलमा सात सय भन्दा बढी नेपाली उपस्थित भएको र करिब ६९ लाख रुपैयाँ संकलन भएको आयोजक हिमालयन फाउन्डेशनका संस्थापक अध्यक्ष यज्ञलाल श्रेष्ठले जनाएका हुन्।
उनले कार्यक्रमको खर्च कटाएर बाँकी सबै रकम कराँते भवन निर्माण सम्पन्न गर्न तथा बिभिन्न गाउँमा रहेका स्कूलको पुनर्निर्माण तथा लाइब्रेरी स्थापनाका लागि सहयोग गरिने बताए ।
हिमालयन फाउन्डेसन कर्पले नेपालमा गरेका बिभिन्न काम तथा अबका योजना बारे निर्माण गरिएको बृत्तचित्र प्रस्तुत गरिएको थियो । कार्यक्रमका प्रमुख अथिति गार्मेट इन्नोभेसनका प्रमुख मार्क नेमिकले ११ हजार अमेरिकी डलर सहयोग प्रदान गरेका थिए ।
त्यसैगरी, केटिएम ग्रुप एलएलसी र सान फ्रान्सिस्को होलसेल कि प्रमुख एवं हिमालयन फाउन्डेसनकी प्रमुख टीण्डु शेर्पाले पनि ११ हजार डलर सहयोग प्रदान गरिन् ।
कार्यक्रमका बिशिष्ट अथिति रामबाबु पाण्डेले ५ हजार डलर सहयोग गरेको आयोजक संस्थाले जनाएको छ ।
म्युजीक फेस्टिभवको सुरुवाती चरणको औपचारिक कार्यक्रम फिल्म निर्देशक नारायण पुरीले संचालन गरेका थिए भने सांगीतिक कार्यक्रमको संचालन एस बाबु सन्दिपले गरेका थिए । कार्यक्रममा करिब तीन दर्जन समाजसेवी तथा ब्याबसायिले सहयोग रकम प्रदान गरेको जानकारी यज्ञलालले दिएका छन ।
