पूर्वाञ्चलमा जारी सातौ राष्ट्रिय खेलकुद अन्तर्गत पुरूष फुटबलमा नेपाल आर्मी फाइनलमा पुगेको छ। बुधबार धरान रंगशालामा भएको अन्तिम सेमिफाइनलमा मध्यमाञ्चलसँग बराबरी खेलेको आर्मी आज बिहान ट्राइब्रेकरमा विजयी भएको हो।
निर्धारित ९० मिनेट र थपिएको ३० मिनेटको समयमा पनि दुबैले गोलरहित बराबरी खेलेपछि खेलको निर्णय ट्राइब्रेकरबाट लिइएको थियो।
ट्राइब्रेकरका लागि हिजो समय नपुगेको भन्दै आजका लागि सारिएको थियो। आज बिहान ९ बजेदेखि भएको ट्राइब्रेकरमा आर्मीले ७-६ ले खेल जितेर उपाधि भिडन्त एपिएफसँग पक्का गरेको हो।
