खुट्टाको प्लास्टर खोलेको २ दिनपछि ४ वटा स्वर्ण २ रजत

  • Get News Alerts

united
सातौंले देखाएको सम्भावना
tata

सातौं बृहत राष्ट्रिय खेलकुदमा सहभागी हुन पूर्वाञ्चल आउनुअघिसम्म कृष्णा चौधरी असमञ्जसमा थिइन्। दुई दिनअघि मात्र उनको दाँहिने खुट्टाको प्लास्टर काटिएको थियो। त्यसैले उनी नेपाली खेलकुदको ठूलो खेल मेलामा सहभागी बन्ने सम्भावना नै न्युन थियो।

तर, यस्तो अवस्थामा पनि नेपाल आर्मीका प्रशिक्षक पुष्पराज ओझाले उनलाई खेल्ने अवसर प्रदान गरे, उनको प्रतिभा र मेहनत देखेर। जसको नतिजा अहिले उनी सातौं बृहत राष्ट्रिय खेलकुदअन्तर्गत पूर्वाञ्चलतर्फ भइरहेको २९ खेलका करिब तीन हजार खेलाडीमध्ये सर्वाधिक स्वर्ण जित्ने खेलाडीको रुपमा स्थापित भएकी छिन्। उनले यसपालि ४ स्वर्ण र २ रजत गर्दै ६ वटा पदक जितेकी छिन्।

यस क्रममा सय र दुई सय मिटर दुवै स्पर्धामा स्वर्ण जित्दै आफू स्प्रिन्टको नयाँ च्याम्पियन भएको उद्घोष गरेकी छिन्।

कृष्णाले ५ वर्षअघि धनगढीमा भएको छैटौं बृहत राष्ट्रिय खेलकुदमा पनि सय मिटर स्पर्धामा भाग लिएकी थिइन्। धनगढी घर भएपनि उनी मध्यमाञ्चलबाट सहभागी भइन्। त्यतिबेला चौथो स्थानमा रहँदै उनले दौड पुरा गरेकी थिइन्।

तर, यसपालि इटहरीमा सम्पन्न सातौंमा उनले खेलाडी मैत्री ट्रयाक नभएपनि सय मिटर र दुई सय मिटरमा १७ वर्षअघि नेपाल पुलिसकी देवीमाया पनेरुले राखेको राष्ट्रिय कीर्तिमान छेउछाउमा पुगेकी छिन्।
उनको दौडिने कला देखेपछि केही समय भित्रै उनले देवीमायाले सन् १९९९ काठमाडौंमा भएको आठौं साग गेममा बनाएको राष्ट्रिय कीर्तिमानलाई भंग गर्ने आशा गरिएको छ।

‘करिब एक महिना चोटका कारण विश्राममा बस्नु नपरेको भए यसपालि नै राष्ट्रिय कीर्तिमान बनाउथे होला,’ नेपाल आर्मीकी २३ वर्षीय धाविकाले सेतोपाटीसँग भनिन्।

देवीमायाले आठौं साफमा सय मिटर दुरी १२ दशमलव १३ सेकेन्डमा पुरा गरेकी थिइन्। कृष्णाले प्रतिकूल अवस्थाका बाबजुद सातौंमा सय मिटर दुरी १३ दशमलव १६ सेकेन्डमा पुरा गर्दै स्वर्ण जितेकी थिइन्।
यस्तै, देवीमायाले आठौं सागमा दुई सय मिटर दुरी २५ सेकेन्डमा पुरा गरेकी थिइन्। कृष्णाले २६ दशमलव ९० सेकेन्डमा पुरा गरिन्।

कृष्णाले यसपालि ४ गुना सय मिटर रिले ५२ सेकेन्डमा पुरा गर्दै स्वर्ण जितिन्। उनले ४ गुना ४ सय मिटर रिले पनि ४ मिनेट १४ दशमलव ७ सेकेन्डमा पुरा गर्दै स्वर्ण जितेकी थिइन्।

धनगढीको छैटौं बृहत राष्ट्रिय खेलकुदमा स्प्रिन्टमा कुनै मेडल जित्न नसकेपनि लङजम्पतर्फ उनले राष्ट्रिय च्याम्पियन नेपाल पुलिसकी केशरी चौधरीलाई स्तब्ध पारेकी थिइन्। त्यतिबेला उनले केशरीलाई दोस्रो स्थानमा धकल्दै स्वर्ण जितेकी थिइन्। उनको यो प्रदर्शनपछि नेपाल आर्मीले तत्कालै उनलाई अनुबन्धन गरेको थियो।

यसपालि लङजम्प र चार सय मिटर को दुवै स्पर्धामा उनले स्वर्ण जित्न सकिनन्। रजत मै चित्त बुझाउनु पर्यो। एक महिनाअघि काठमाडौंको दशरथ रंगशालामा लङजम्पको अभ्यास गर्ने क्रममा ’ल्यान्डिङ’ मा समस्या भएपछि उनको दाँहिने खुट्टाको ‘टेन्डन‘ हल्का क्रयाक भएको थियो। यसकारण चिकित्सकले उनको खुट्टामा प्लास्टर गरेर केही समय विश्राम गर्ने सुझाव दिएका थिए।

‘जम्प गर्दा खुट्टा दुख्ने कारण मैले राम्रो प्रदर्शन गर्न सकिन्,’ कृष्णाले भनिन्। उनी लङजम्पमा यसपालि केशरीसँग पराजित भएकी थिइन्। केशरीले लङजम्पमा ५ दशमलव ०५ मिटरको झलाङ लगाएकी थिइन्। कृष्णाले ४ दशमलव ९४ मिटरको दुरी तय गर्दै रजतमा चित्त बुझाउनु परेको थियो।

यस्तै उनी ४ सय मिटर दौडमा आफ्नै विभागकी संगीता मेचेसँग २ सेकेन्डभन्दा मूनीको समयमा पछि पर्दै स्वर्णबाट बञ्चित भइन्। मेचेले १ मिनेट शुन्य दुई दशमलव ७० सेकेन्डमा दौड पुरा गर्दै स्वर्ण जितिन्। कृष्णाले १ मिनेट शुन्य ४ दशमलव ६० सेकेन्डमा दौड पुरा गरेकी थिइन्।

कृष्णाले १० महिनाअघि भारतको गुवाहाटीमा भएको १२ औं संस्करणको साग खेलकुदमा पहिलो पल्ट देशको प्रतिनिधित्व गरेकी थिइन्। उनले त्यतिबेला १ सय मिटर स्प्रिन्ट सातौं स्थानमा रहँदै पुरा गरेकी थिइन्। लङजम्पमा भने पाँचौ स्थान ओगट्न सफल भएकी थिइन्।

उनी तीन वर्षपछि नेपालमा आयोजना हुने भनिएको १३ औं साग गेमलाई अविस्मरणीय बनाउन चाहन्छिन्। उनको इच्छा छ, स्प्रिन्टमा भारत र श्रीलंकाको आधिपत्यलाई जसरी पनि तोड्ने। नेपालले साग गेममा स्प्रिन्टतर्फ अहिलेसम्म कुनै पदक जित्न सकेको छैन्।

सातौं बृहत राष्ट्रिय खेलकुदमा प्रतिकूल अवस्थामा पनि जसरी दौडिएर कृष्णाले सय र दुई मिटर स्प्रिन्टमा स्वर्ण जितिन्, यसले उनको प्रतिभा उजागर भएको छ। यसैले खेलकुद निकायले उनलाई विशेष अभ्यासको व्यवस्था मिलाएको खण्डमा आगामी साग गेममा उनले स्वर्ण र रजत नजितेपनि कास्य जितेर इतिहास रच्न सफल हुने प्रशिक्षकहरुको भनाई छ।

‘चोटका कारण ऊ एक महिना विश्राममा थिई। इटहरीको ट्रयाकको अवस्था पनि राम्रो थिएन्। यस्तो अवस्थामा पनि जुन समयमा ऊ दौडि, यसले उसको क्षमतालाई उजागर गरेको छ,’ एथलेटिक्सको मुख्य प्रशिक्षकको जिम्मेवारीसमेत बहन गरिसकेका पूर्व ओलम्पियन पुष्पराज ओझा भन्छन्।

सातौंमा ४ वटा स्वर्ण जितेपछि कृष्णाको तारिफ चौतर्फी भइरहेको छ। तर, उनी एउटा कुरालाई लिएर फेरि असमञ्जसमा छिन्। त्यो के भने– साफको तयारीका लागि स्प्रिन्टमा बढि ध्यान दिने कि लङजम्पमा?

Hyundai
nic asia

प्रतिकृया दिनुहोस

बिज्ञापन

थप समाचार

  • विभागीय टोलीको वर्चश्वमा सातौं राष्ट्रिय खेलकुद सकियो, कसले कति पदक पाए?

    विभागीय टोलीको वर्चश्वमा सातौं राष्ट्रिय खेलकुद सकियो, कसले कति पदक पाए?

    आठौं राष्ट्रिय खेलकुद प्रतियोगिता मध्यपश्चिमाञ्चलको नेपालगन्जमा हुने घोषणा गर्दै सातौँ राष्ट्रिय खेलकुद प्रतियोगिता शुक्रबार समापन भएको छ । प्रतियोगिताको आज सुनसरीको धरानस्थित एन्फा टेक्निकल खेल मैदानमा समापन गर्दै उपराष्ट्रपति नन्दबहादुर पुनले विभिन्न कठिनाइ र भौतिक पूर्वाधार अभाव भए पनि राष्ट्रको गौरव राख्नेगरी खेलाडीले विभिन्न कीर्तिमान राख्न सफल भएकामा खुसी व्यक्त गरे।

  • मध्यमाञ्चलका मदनकृष्ण र आर्मीकी मोनालीसालाई बुद्धिचालमा स्वर्ण

    मध्यमाञ्चलका मदनकृष्ण र आर्मीकी मोनालीसालाई बुद्धिचालमा स्वर्ण

    मध्यमाञ्चलका मदनकृष्ण कायस्थ तथा नेपाल आर्मी क्लबकी क्यान्डिडेट मास्टर मोनालीसा खम्बु सातौं राष्ट्रिय खेलकुदअन्तर्गत बुद्धिचाल खेलमा स्वर्ण पदक प्राप्त गर्न सफल भएका छन्। शुक्रबार सम्पन्न नवौं चरणको खेलमा एपिएफ क्लबका सुमितसँग बराबरीको नतिजा हात पारेका मदनकृष्ण मध्यमाञ्चलकै अर्का प्रत्याशी रिजेन्द्र राजभण्डारीलाई हेडटुहेड रिजल्टका आधारमा पछि पार्दै २० औं राष्ट्रिय बुद्धिचाल च्याम्पियन समेत बनेका हुन्।

  • क्रिकेटमा आर्मीलाई ४९ रनले हराउँदै एपिएफले जित्यो स्वर्ण

    क्रिकेटमा आर्मीलाई ४९ रनले हराउँदै एपिएफले जित्यो स्वर्ण

    पूर्वाञ्चलमा जारी वृहत सातौं राष्ट्रिय खेलकुद अन्तर्गत पुरुष क्रिकेटको आज भएको खेलमा एपिएफले स्वर्ण पदक हात पारेको छ। मोरङको झापा बैजनाथपुरको खेल मैदानमा भएको फाइनल खेलमा एपिएफले आर्मीलाई ४९ रनले पराजित गरी स्वर्ण पदक हात पारेको हो।

  • आठौं राष्ट्रिय खेलकुद मध्यपश्चिममा हुने

    आठौं संस्करणको राष्ट्रिय खेलकुद प्रतियोगिता मध्यपश्चिमाञ्चलमा हुने भएको छ। पूर्वाञ्चलमा जारी सातौं संस्करणको समापन कार्यक्रममा मध्यपश्चिमाञ्चलाई केहीबेर पछि झण्डा हस्तान्तरण गर्ने कार्यक्रम छ।

  • आर्मीलाई हराउँदै एपिएफले जित्यो फुटबलमा स्वर्ण

    आर्मीलाई हराउँदै एपिएफले जित्यो फुटबलमा स्वर्ण

    पूर्वाञ्चलमा जारी सातौं संस्करणको राष्ट्रिय खेलकुद अन्तर्गत फुटबलमा एपिएफले स्वर्ण पदक जितेको छ। धरानस्थित एन्फा टेक्निकल सेन्टरमा भएको फाइनलमा आर्मीलाई २-०ले हराउँदै फुटबलमा स्वर्ण जितेको हो।

बिज्ञापन

mahindra

विचार

Hyundai

किनमेल

vianet

ग्लोबल

कला

अंग्रेजी संस्करणबाट

ब्लग

  • नेपाली फोटोपत्रकारिताका बारेमा मेरो कुरा नेपाली फोटोपत्रकारिताका बारेमा मेरो कुरा

    नेपाली फोटोपत्रकारिता भनेजस्तै विकास र उन्नति नहुनुमा नेपाली फोटो पत्रकारहरुले जति सुन्दर तस्बिर कैद गर्छन् त्यस्तै अनुरुपमा फोटो क्याप्सन (फोटो विवरण) नलेखेर हो। उनीहरुलाई लाग्छ कि लेख्नु भनेको लेखक पत्रकारहरुको काम हो। त्यसैले त्यो लेखाइ गलत भैदिन्छ जब क्याप्सन लेखकले फोटोपत्रकारको नजरले हेर्न सक्दैन।

    दीपेन्द्र बज्राचार्य

  • काठमाडौंमा म कसलाई मतदान गरौं काठमाडौंमा म कसलाई मतदान गरौं

    काठमाडौं! आफैं भित्र के छ? अवस्य नै धेरै छ। काठमाडौं मेरो लागि धेरै हो। यसलार्इ राम्रो बनाउन प्रतिज्ञा गर्ने र परिवर्तनका सम्वाहक बन्न खोज्ने मानिसहरूका लागि पनि यही नै सत्य हो, कुनै पनि व्यक्तिका लागि उसको नाम नै सबैथोक हो। काठमाडौंका लागि त्यो अझ बढी हो। तपाईँ आफूलार्इ विवेकशिल वा एमाले, काँग्रेस, माओवादी, साझा, हाम्रो यो वा त्यो अन्य दर्जनौं नामले पुकार्नुहोस्, के तपाईँको काठमाडौं वास्तवमै मेरो भन्दा फरक छ? तिनीहरू भन्छन् कि युवाहरू तेज, लचिलो र दिन चाहने हुन्छन्। तर नेपालका नयाँ राजनीतिक पार्टीहरूलार्इ के भएको छ, मलार्इ थाहा छैन । कुनै पनि नयाँ राजनीतिक पार्टीसँग जित्नका लागि चाहिने कोष, युवाहरूको सहयोग, अनुभव जस्ता सबै कुराहरू पर्याप्त छैनन्। के हामी सबै मिलेर एउटा समूह बनाउन सक्तैनौं जहाँ हामीसँग पर्याप्त कोष, कार्यान्वयन गर्न सक्ने युवाशक्ति र बौद्धिक वार्ताकारले भरिपूर्ण रहुन् अनि त्यहाँ उत्कृष्ठताका लागि फरक हुन सक्छ।

    सुमना श्रेष्ठ

  • फेसबुकमा मात्र हैन, आमालाई मनमा पनि सजाउने कि? फेसबुकमा मात्र हैन, आमालाई मनमा पनि सजाउने कि?

    यसको अर्थ यो नमानौं कि आमाको फोटो फेसबुकमा राख्न पनि नपाउने? पक्कै पनि पाउने। तर आफूले आमालाई कतिको माया गर्छु, बिरामी पर्दा कतिको हेरचाह गर्छु, बृद्ध अवस्थामा कतिको माया र स्नेह गरेँ, आमालाई मिठो मसिनो खान दिएँ कि दिईन लगायतका कुराहरु ख्याल गरेका छौं? एकपटक स्मरण गरौं, हामीमध्ये कतिले फेसबुकमा धेरै खाले ‘क्याप्सन’ सहित तस्बिर राखेका आमाहरु कति बृद्धाश्रममा होलान्, कति खान नपाएर रत्नपार्कमा हात फैलाउन बाध्य होलान्, कति उपचार खर्च नभएर अस्पतालमा जीवन र मृत्युको दोँसाधमा लडिरहेका होलान्।

    गोबिन्द मरासिनी

साहित्यपाटी

  • आमा आमा

    रगतको थोपा थोपा सिन्चित गरेर  आफू भित्र लुकायौ  शारीरिक परिवर्तनसँगै  जाग्राम बसेका  मातृ उमंगहरु  दिन अनि महिना गन्दै...

    मिरा प्रसाई

  • माता तिर्थ औँसी माता तिर्थ औँसी

    लंके दिनभर र्याली र भाषणमा ब्यस्त रह्यो। साँझपख लखतरान परेर पार्टी कार्यलय पुग्यो। कार्यालयको वाइफाइ अटो-कनेक्ट हुनासाथ मोबाइलमा नोटिफिकेसन बज्न थाल्यो। उसले फेसबुक खोलेर हेर्यो। ओहो! आज त आमाको मुख हेर्ने दिन पो रहेछ। आफुसँग दिनभर सँगै हिंडेका मने, रिखे र यामेले फेसबुकमा आमाको फोटो राखेको देखेर ऊ चित खायो। उसले सोच्यो- 'कुन बेला फुर्सद पाएछन यिनेरुले? अनी कहाँको वाइफाइ पाएछन?'

    सन्तोष पौड्याल

  • र, एउटा एस्ट्रे र, एउटा एस्ट्रे

    निभाउँछु उही एस्ट्रेमा ठुटो चुरोट
    र, प्रश्न गर्छु आफैलाई
    मनभित्र एकान्तमा कतै किन चिच्याउँदैछ बच्चु कैलाश?
    ‘टाढा टाढा जानु छ साथी, एकफेर हाँसीदेऊ’

    भोलि त सबेरै छोडेर जानु छ।

    सौरभ कार्की

पाठक विचार

  • किशोर थापाजीलाई खुलापत्र

    राजनितिमा भर्खर प्रवेश गरेकी रन्जुलाई मेयर पदमा निर्वाचित गराएर उनीलाई मार्गदर्शन गर्ने भूमिकामा तपाई रहनु भयो भने निश्चय नै नेपालको राजनैतिक इतिहासमा यो एउटा नयाँ प्रयोग हुनेछ। अरुले पनि यसबाट पाठ सिक्ने छन्। नयाँ पुस्तालाई राजनितिमा स्थान दिन यो कोशेढुंगा साबित हुनेछ। मलाई के पनि विश्वास छ भने वैकल्पिक राजनैतिक शक्ति खोजिरहेका काठमाण्डौबासीहरुले तपाईहरुलाई अवश्य विजय गराउने छन्।

    डा. शैलेन्द्र सिग्देल

  • नयाँ वर्ष प्रण

    रित्तो बोतल र खाली शिशाहरूले सामुहिक आत्महत्या गरे। ऊ परऽऽको एक कुनामा हेर त? एक थुप्रो लासहरू जस्तै डंगुर लडिराछ।   चीत्कार तिरस्कार अपहेलना बित...

    इन्द्र थेगिम

लोकप्रिय

सिफारिस

सूचनापाटी

छापाबाट